PP: 'Ez gaude Sorturi kasu egiteko, krisia gainditzeko baizik'

Antonio Basagoiti EAEko PPren presidenteak esan duenez bere alderdiko hautagaiak "ez daude subiranotasunaren arazoak handitzeko edota Batasuna, Bildu eta Sorturi tokia eigteko", hauteskunde hauetako "helburua krisi ekonomikoa" gainditzea dela azpimarratu du.

"Hauteskunde hauetan ez da abertzaleen subiranotasuna aukeratzen, krisiari eta langabeziari aurre egiten hasteko garaia da, eta erakunde publikoek politikan gutxiago gastatu eta hiritarrengan gehiago pentsatzeko garaia da", azaldu du Antonio Basagoitik Donostiako Kursaalean Gipuzkoako hautagaiak aurkezteko egin duten ekitaldian.

EAEko PPren liderraren hitzaldia krisi ekonomikoan oinarritu da. Aurrera egiteko neurri garrantzitsuak ezartzea beharrezkoa dela azpimarratu du.

Basagoitik azaldu du krisia gainditzeko "terrorismoarekin amaitzea" beharrezkoa dela. "Zenbat eta Batasuna, Bildu edota Sortu gehiago izan ekintzaile gutxiagok etorri nahiko dute Euskadira", gaineratu du EAEko popularren buruak. &' || 'nbsp;