Politika -
ETAko ustezko kideak
Limogeseko atxilotuentzako espetxea eskatu du Fiskaltzak
Itziar Moreno eta Oier Gomez Mielgo Pariseko Auzitegira eraman dituzte epailearen aurrera. Biak Frantziako erdialdean atxilotu zituzten iragan igandean.
Erredakzioa
Erakunde terroristako kide izatea egotzita iragan igandean atxilotutako bi ustezko kideak espetxera bidaltzea eskatu du Fiskaltzak. BI atxilotuek jendarme bat zauritu zuten eta Frantziako erdialdean atzeman zituen Poliziak.
Iturri judizialek baieztatu dutenez, Itziar Moreno eta Oier Gomez Mielgo Pariseko Auzitegira eraman dituzte gaur, epailearen aurrera. Frantziako hiriburuko Terrorismoaren Aurkako Zuzendaritzaordetzako egoitzatik bertara eraman dituzte.
Ikerketa bat zabaltzea eskatu du Fiskaltzak. Era berean, atxilotuak kartzelara bidaltzea eskatu du, besteak beste, helburu terroristak dituen gaizkileen elkarte bateko kide izateagatik. Delitu horrengatik hamar urteko espetxe-zigorra ezar liezaiekete Frantzian.
Frantziako jendarmeen aurkako tiroketako delituak ere leporatu dizkiete, baita agiri eta ibilgailu matrikula faltsuak izatea ere. Azkenik, armak eta munizioa izatea egotzi diete.
