Colauk ohartarazi duenez, ez da 'inoren trofeoa' izango

Ada Colau Bartzelonako alkateak eta Barcelona en Comuko alkategaiak larunbat honetan ohartarazi duenez, bere alderdia ez da izango "inoren trofeoa, ezta bata bestearen kontrako trofeoa ere". Gainera, Jaume Collboniren (PSC) eta Ernest Maragallen (ERC) arteko "beto gurutzatuak" kritikatu ditu.

Inbestidurara berriro aurkeztea erabaki du Colauk, "irmo eta pozaren pozaz", prentsaurrekoan azaldu duenez, eta boterea mantentzeko "operazio arraroetan" parte hartu izana errfusatu du. Zentzu horretan, Colauk azpimarratu duenez, Barcelona en Comuk "ez du negoziatuko ezta akordiorik lotuko ere" Manuel Valls Frantziako lehen ministroaren alderdiarekin. Dena dela, Vallsek iragarri zuen Colauren investidura babestuko zuela, "baldintzarik gabe".

Colau Bartzelonako alkatetzara berriro aurkezteko erabakia babestu zuten Barcelona en Comuko militanteek joan den ostegunean egindako batzarrean. Alkate izaten jarraitzeko, datorren hilaren 15ean izango den udal osoko bilkuran 21 zinegotziren babesa lortu beharko du, horrek markatzen baitu gehiengo absolutua. Vallsen zerrendaren hiru zinegotzi independenteak, PSCren zortziak eta Barcelona en Comuko 10ak zenbatuta, Colauk lortuko luke aginteari eustea.

Colauk baztertu egin du bere hautagaitzari uko egitea, eta akordiorik lotu gabe, osoko bilkuran aurkeztearen "arriskuak" onartzen dituela adierazi du. Horren harira, PSCk ohartarazi du azken egunetan Colauren haugaitza babestuko duela bakarrik programa-akordioa lotuz gero.