Politika
Nafarroa
Nafarroako senatari izateko Iñaki Bernalen hautagaitza erretiratu du Ezkerrak
AGENTZIAK | ERREDAKZIOA
Horrenbestez, kargu horretarako hautagaiak bi dira: Koldo Martinez (Geroa Bai) eta Arantxa Arias (Navarra Suma). Bozketa ostegun honetan egingo dute Parlamentuan.
-
Iñaki Bernal, Senatuan. Argazkia: Izquierda-Ezkerra
Ezkerrak erretiratu egin du Nafarroako senatari izateko Iñaki Bernalen hautagaitza, alderdi horrek Twitter bidez jakinarazi duenez.
Bernalen hautagaitza erretiratuta, Espainiako Senatuan Nafarroako ordezkari izateko hautagaiak bi izango dira: Koldo Martinez (Geroa Bai) eta Arantxa Arias (Navarra Suma). Bozketa ostegun honetan egingo dute Parlamentuan.
Ezustekorik ez bada, Martinez gailenduko da, Geroa Baiko, PSNko eta Podemoseko 22 diputatuen babesarekin; Ariasek, berriz, Navarra Sumako 20 ordezkarien botoak jasoko ditu.
