Politika -

NAFARROA

David Campion independentea, Iruñerriko Mankomunitateko lehendakari berria

Ollarango alkateak aldeko 29 boto eskuratu ditu EH Bilduk, PSNk, bost independentek eta Geroa Baik bere alde egin ostean.

David Campion Iruñerriko Mankomunitateko presidentea aukeratzeko bozketan. Iruñerriko Mankomunitatea
David Campion Iruñerriko Mankomunitateko presidentea aukeratzeko bozketan botoa ematen
David Campion Iruñerriko Mankomunitateko presidentea aukeratzeko bozketan. Iruñerriko Mankomunitatea

AGENTZIAK | ERREDAKZIOA

Whatsapp Facebook Twitter Telegram Email

Nafarroan, David Campion independentea Iruñerriko Mankomunitateko lehendakari aukeratu dute bart, EH Bilduk eta PSNk beren hautagaitzak erretiratu ondoren.

Hasiera batean, hiru hautagai aurkeztu ziren bozketara: Juan Jose Echeverria (Navarra Suma), David Campion (independentea) eta Maite Esporrin (PSN).

Lehen bozketan, hautagai bakar batek ere ez zuen gehiengo absolutua eskuratu du, eta bigarrenean nahikoa zen gehiengo sinplea. Dena dela, bigarren botazio horren aurretik PSNk eta EH Bilduk beren hautagaiak erretiratu zituzten.

EH Bilduren (14 boto), PSNren (7 boto), Geroa Bairen (3 boto) eta 5 ordezkari independenteren babesa eskuratu zuen Ollarango alkate ere badenak: guztira, 29 boto. Juan Jose Echevarria Navarra Sumako hautagaiak, berriz, 22 boto eskuratu zituen, eta 2 ordezkari independente abstenitu egin ziren.

Iruñerriko Mankomunitateko presidente hautatu berritan, Campionek bere independente izaera azpimarratu zuen.

Hau zure interesekoa bada, baliteke beste gai hauek ere izatea
Politika Iruñeko argazkiak Albisteak PSN Albisteak Geroa Bai Gaurko albisteak Nafarroan Alderdi politikoak berriak EH Bildu Eguneko albisteak Albisteak Navarra Suma