Itxi

2019/10/12

15:23

Politika

Katalunia

Askatasunaren alde modu 'baketsuan' protesta egitea eskatu du Torrak

Agentziak | Erredakzioa

Kataluniako presidentearen hitzetan, epaiak erantzunerako garaia itxiko du eta beste epe bati hasiera emango dio, non "independentziaren helburuarekin ekimena hartuko duten".

  • Quim Torra Terrasan. Argazkia: Forta

    Quim Torra Terrasan. Argazkia: Forta

  • Whatsapp
  • Whatsapp
  • Telegram
  • Bidali

Auzitegi Gorenaren epaiaren aurrean, "askatasuna, demokrazia eta, guztiaren gainetik, herriaren duintasuna defendatzeko modu baketsuan" protesta egitea eskatu dio Quim Torra Generalitateko presidenteak Kataluniako gizarteari.

Terrasako (Bartzelona) kultur etxean ekitaldia egin du JxCatek. Artur Mas eta Carles Puigdemont Generalitateko presidente ohiek eta Laura Borras JxCaten Kongresuko bozeramaileak hitza hartu dute 700 bat pertsonaren aurrean.

Torraren ahotan, epaiak erantzunerako garaia itxiko du eta beste epe bati hasiera emango dio, non "independentziaren helburuarekin ekimena hartuko duten". Katalunia "herri bat da, eta kito", gaineratu du. Generalitateko buruzagiaren esanetan, Katalunia geldiezina izango litzateke defizit fiskalaren enbarazurik gabe.

Kataluniako herriarengan konfiantza osoa duela esan du Generalitateko buruak, eta ziur dago nazio libre eta independente bat eraikitzea dela herritarren gehiengoaren borondatea.

  • Bisitatuena

      Kargatzen ikusiena
      Kargatzen ikusiena
    ;