Politika -
Ibarrako Udaletxean
Dignidad y Justiciak ETAko kide baten kartel bat kentzea eskatu du
Maite Aranalde ETAko kidearen kartel bat Ibarrako Udaletxetik kentzea eskatu dio elkarte honek Auzitegi Nazionalari. Gainera, erantzukizun penalak ere exijitu ditu.
Erredakzioa
Daniel Portero Dignidad y Justicia elkarteko presidenteak idazki bat aurkeztu du Auzitegi Nazionalean, Ibarrako Udaletxean (Gipuzkoa) dagoen Maite Aranalde ETAko kidearen kartel bat hortik kentzea eskatzeko. Gainera, kartel hura jarri duten pertsonak identifikatzea ere eskatu du, hauei erantzukizun penalak exijitzeko asmoz.
Porteroren idazkiaren arabera, ETA EZ, ETA No idatzita zuen testua manipulatu dute eta ezetza agertzen den lekuan Maite Aranalderen bi argazki jarri dituzte. Aranalde bertan jaioa da.
Dignidad y Justicia elkartearentzat, "ETAri egindako ukatzea nahita eta era mingarrian manipulatu da eta horren ordez, ETAko kide nabarmen baten goraipamena egin da".
