Politika -

XIV. Legegintzaldia

Koldo Martinezek euskaraz ireki du Senatua eratzeko ekitaldia

Nafarroako senatari autonomikoak euskaraz egin du, "dagoen aniztasuna defendatu beharreko aberastasuna dela" aldarrikatzeko.

Senatuko hemizikloaren bista orokorra astearte honetan. Argazkia: EFE
Senatuko hemizikloaren bista orokorra astearte honetan
Koldo Martinezek euskaraz hasi du Senatuaren eraketa ekitaldia

1:35

Agentziak | Erredakzioa

Whatsapp Facebook Twitter Telegram Email

Koldo Martinez Nafarroako senatari autonomikoak (Geroa Bai) ireki du Senatua eratzeko saioa XIV. legegintzaldian, eta euskaraz egin du, "dagoen aniztasuna defendatu beharreko aberastasuna dela" aldarrikatzeko.

Martinezek ireki du saioa, senatari izateko agiriak aurkezten lehena izan zelako, eta euskaraz eta gaztelaniaz egin du. Martinezek gogora ekarri du gaur, abenduak 3, San Frantzisko Xabierkoaren eguna ospatzen dela, "Nafarroaren, Foruen eta autogobernuaren eguna", eta, gainera, euskararen nazioarteko eguna dela, "lingua navarrorum izenekoa, eta gaztelaniarekin batera nafar guztien berezko hizkuntza dena".

Senatarien artean aniztasuna dagoela esateko euskara erabili du, "defendatu beharreko aberastasuna" baita, eta hizkuntza guztiak "elkarrizketan, akordioan eta demokrazian sakontzeko" tresna baitira.

Hau zure interesekoa bada, baliteke beste gai hauek ere izatea
Politika Geroa Bai Hauteskunde orokorrak Eguneko albisteak Albisteak Senatua