UPNk martxoaren 29an egingo du zuzendaritza berria hautatzeko batzarra

UPNren Batzorde Politikoak 2020ko martxoaren 29a ezarri du 12. Batzarra egiteko datatzat. Egun horretan, militanteek alderdiaren hurrengo urteetako zuzendaritza eta lerro programatikoak aukeratuko dituzte.

UPN, edozein afiliatu aurkeztu daiteke hautaketa prozesuan, abalen beharrik gabe. Beraz, momentu honetan ez dira ezagutzen hautagaien izenak. Hala ere, ziurtzat ematen dute Javier Esparza presidentea berriz aurkeztuko dela, eta azken egunetan Sergio Sayas diputatuaren izena ere entzun da.

Edozein kasutan, UPNren estatutuen arabera, martxoa erdialdera arte ez da hori behin betiko argituko, lehenago batzarrera eramango gaituen prozesua eman behar baita.

Horrela, momentu honetatik aurrera alderdiaren funtzionamendua arautzen duten eta bere printzipio politiko, sozial eta ekonomikoak ezartzen dituzten batzorde txostengileen aurreproiektuak egiteko komisioak osatu behar dira.

Behin Batzorde Politikoak batzorde txostengileen aurreproiektuen edukia eztabaidatuta, dokumentuak alderdiaren batzorde lokal guztietara bidaliko zaizkie, eta afiliatu guztien eskura jarriko dira, zuzenketak aurkez ditzaten.

Behin txostenak osatuta, alderdiko kargu desberdinetako hautagaitzak aurkezteko epea irekiko da. Martxoaren 10etik 12ra izatea aurreikusten da.