Urkulluk Bilduri: 'Erakundeak ez dira demagogia egiteko erabili behar'

Iñigo Urkullu EAJko presidenteak iragarri duenez, Bilduk "erakundeak demagogia politiko eta elektoralistarako tresna bihurtzea" galaraziko du EAJk, erakundeak bakea eta Euskadiren garapenerako "oinarrizkoak" direlako.

Elorrioko Batzokia berriro inauguratzeko ekitaldian egindako hitzaldian, Bildurentzat errazena "mesias baten antzera agertzea" dela esan du Urkulluk, batez ere EAJk azken hiru hamarkadetan nazioaren eraikuntzan egindako lana guztiaren ostean.

EAJko liderrak "nazioaren eguneroko eraikuntzara" "ongietorria" eman dio Bilduri, eta "herria herritarrek nahi duten lekura" eramango dutela esan dio koalizioari,&' || 'nbsp; "baina hori guztia denon artean egingo dugu", ohartarazi die.

Lehendakariari kritikak

Iñigo Urkulluk "aurpegia emateko" eskatu dio Patxi Lopez lehendakariari eta hitz egitea beharrezkoa denean isilik geratzea leporatu dio; "Gobernuaren eta EAJren artean adostutako eskumenen negoziazioa beretzat hartu duenean ere ez du hitzik esan", gaineratu du jeltzaleak.

Urkulluren ustez, Patxi Lopezek ez du lehendakari gisa hitz egiten, PSEren idazkari nagusi moduan aritzen da: "Maiatzaren 22tik idazkari nagusi bezala hitz egiten du; ondorioz, lehendakari gisa noiz hitz egiten duen zai gaude, eta euskal gizarteari azaldu diezaiola ea berak, aldaketaren lehendakariak, euskal hautesleen % 30 baino gutxiago ordezkatzen duten bi alderdik agintzea normala ikusten duen".