Politika -
Katalunia
CDRak aske geratu ostean, Sanchezek barkamena eskatu beharko liokeela uste du Torrak
Generalitatearen presidenteak gogorarazi du Espainiako presidenteak indarkeria babestea egotzi ziola espetxeratutako CDRei elkartasuna adierazteagatik.
agentziak | erredakzioa
Quim Torra Generalitatearen presidenteak barkamena eskatzea galdegin dio Pedro Sanchez Espainiako jarduneko presidenteari, indarkeria babestea egotzi ziolako espetxeratutako CDRei elkartasuna adierazteagatik, eta orain libre utzi dituzte gehienak.
"Zikindu eta zikindu, indarkeria babestea leporatu ziguten egunero-egunero. Irailaren 23an atxilotuak libre geratzea ospatzen dut, ez baitzituzten sekula kartzelan sartu behar. Askok barkamena eskatu beharko lukete. Eta lehenengoa Sanchez presidentea izan beharko litzateke", azpimarratu du Twitterren zabaldutako mezuan.
Auzitegi Nazionaleko Zigor Aretoko Bigarren Sekzioak 10.000 euroko bermea ezarri zion Alexis Codinari, eta libre geratu zen, atxilotutako beste lauren moduan, auzitegiak uste baitu ez zela Termita izeneko materialik aurkitu.
