Politika -

EUSKO JAURLARITZA BERRIA

Eusko Jaurlaritzak "guztiekin hitz egiteko borondatea" izango duela esan du Mendiak

"Azken 100 urteetako pandemiarik gogorrenean" "ibilbide orri argi duen" Exekutibo "sendo" bat izatea beharrezkoa dela adierazi du Eusko Jaurlaritzako bigarren lehendakariordea izango denak.

PSE, PSN eta PSOEko kideak izan ditu ondoan gaur Idoia Mendiak Gernikan. Argazkia: EFE
PSE, PSN eta PSOEko kideak izan ditu ondoan gaur Idoia Mendiak Gernikan.
PSE, PSN eta PSOEko kideak izan ditu ondoan gaur Idoia Mendiak Gernikan. Argazkia: EFE

AGENTZIAK| ERREDAKZIOA

Whatsapp Facebook Twitter Telegram Email

COVID-19aren pandemiari aurre egiteko, Eusko Jaurlaritza berria "anitza, sendoa eta ibilbide orri argiduna" izatea "ezinbestekoa" dela nabarmendu du gaur Idoia Mendia PSE-EEko idazkari nagusiak, eta ildo horretan, Exekutiboak "guztiekin hitz egiteko borondatea" eta "beste Gobernuekin elkarlanean aritzeko gaitasuna" izango duela adierazi du.

Lehendakariaren zin egite ekitaldiaren ondoren, Gernikan, komunikabideen aurrean egin duen agerraldian, gaurko ekitaldia "euskal gizartearentzat erabat zaila den testuinguru" batean izan dela esan du, "azken 100 urteetako pandemiarik gogorrenean".

Horregatik, asteartean gorpuztuko den Gobernu berria zeinen garrantzitsua izango den gogorazi du. Mendia bera Eusko Jaurlaritzako bigarren lehendakariordea izango da eta egoera honetan EAJk eta PSEk osatuko duten "gobernu anitza" goraipatu du "sendoa eta norabide argikoa izango da, baina kontziente gara ze zailtasun egongo diren eta umiltasunez jokatuko dugu".

"Kontziente gara inork ez duela egia osoa eta guztion artean lan egin behar dugula Euskadi aurrera ateratzeko hurrengo lau urteetan" adierazi du. Horregatik, Eusko Legebiltzarrean gehiengo osoa izan arren, "guztiekin, instituzioekin, alderdi politikoekin, agente sozialekin eta ekonomikoekin, hitz egiteko borondatea" izango dutela berretsi du.

"Inongo ideiarik ez dago soberan eta guztion artean asmatu beharko dugu zein diren politikari egokienak arloz arlo" hausnartu du.

Hau zure interesekoa bada, baliteke beste gai hauek ere izatea
Politika Eusko Jaurlaritza Eusko Legebiltzarra Euskal Autonomia Erkidegoa Idoia Mendia Alderdi politikoak bideoak PSE-EE Eguneko albisteak Albisteak Koronabirusaren Eris aldaera gaur