Caamaño: 'Bakea finkatu nahi badu, Otegi ongi etorria izango da'

Francisco Caamaño Justizia ministroak esan du Arnaldo Otegi ezker abertzaleko buruzagiak aro berria eta bakea finkatu nahi baditu "ongi etorria" izango dela, erantzukizun penalak betetzeko izan arren. Nolanahi ere, Auzitegi Gorena Otegiren defentsak aurkeztutako helegitea - 2009ko urritik espetxean dago eta joan den irailean 10 urteko kartzela-zigorra ezarri zioten ETAko kide izatea leporatuta- aztertzen ari dela eta epaileei beren lana egiten uzteko eskatu du, Ser irrati-katean egindako elkarrizketa batean. Aro berri hau behin betiko bilatzeko ematen diren pausu guztiak onak izango direla adierazi du, baina bide hori "gelditu gabe baina zuhurtziaz" egin behar dela azpimarratu du. Amaiurren kontrako inpugnaziorik ez Bestalde, Estatuko abokatuak Amaiur koalizio soberanistaren aurka inpugnaziorik aurkeztuko ez duela baieztatu du, Estatuko segurtasunerako indarrek egindako txostenetan ez dutelako zantzu nahikorik aurkitu.