EAJ: 'Murrizketa maximoen eta emaitza minimoen politika da Lopezena'

Patxi Lopezen gobernuaren politika ekonomikoa "negargarria" dela esan du EAJko presidenteak, Iñigo Urkulluk, eta ezaugarri bezala "murrizketa maximoekin emaitza minimoak" dituela gaineratu du.

Gasteizen esan ditu hitz hauek Urkulluk, Gastiez-Erdialde batozkiaren inaugurazioan. Bertan, EAJko ABBeko presidentea, Iñaki Gerenabarreta eta Emilio Olabarria hautagai jeltzalea ere egon dira.

"Albiste txarrez beteriko astea izan da", esan du Urkulluk, "Eusko Jaurlaritzak gizarte zerbitzuak % 7 gutxitu ditu eta lehendakaritzako pertsonala % 17 gehitu du, EAEk Espainiako langabezia tasaren hazkundea hirukoiztu egin duela ezagutu dugunean".

"Eusko Jaurlaritzak ez du oraindik aurten zintzilik dituen 21 legeen berri eman, eta urtea amaitzear dago. Baina albisterik txarrena, Eusko Jaurlaritza hortaz arduratu beharrean, arazoak eta liskarrak sortzen ari dela da. Atentzioa beste alde bate bideratu nahi dute eta aste honetan nabarmendu da", esan du Urkulluk.

Zentzu honetan, Patxi Lopezen gobernuak "desagertuta" jarraitzen duela salatu du eta bere politika ekonomikoa "negargarria" dela gaineratu du. Bere ustez, "politika erreaktiboa eta defentsiboa" da.

"Politika fiskal baten inguruan demagogia erabiltzen dute. Dagoeneko ezker abertzalearekin adosten ari dira. Eredu sozialean sendotasunik gabeko filosfia bat du atzean, aurrezki eta gastuen arteko orekarik gabe, eta gure erakundeen sarean aldaketak eragiteko filosofia dakar atzetik", ohartarazi du.

"Errealitate gordina zor maximoa, murrizketa maximoa eta zergen igoera maximoa baino ez da", adierazi du Urkulluk. "Horixe da Gobernu honen ezkerreko politika. Murrizketa maximoa, emaitza minimoa", kritikatu du.

Bestalde, EAJko ABBko presidenteak, Iñaki Gerenabarrenak, "gaur alderdi batuzuk daude, baina ez dira inoiz gelditzen", esan du, EAJ berriz "hemen dago beti eta gizartearen arazoei irtenbideak emateaz kezkatzen da".

"Madrilen EAJ izan da Arabako eta Euskadiko haots bakarra", gaineratu du Kongresurako EAJko Arabako hautagaiak, Emilio Olabarriak, eta EAErentzat legegintzaldi honetan 18 eskumen desblokeatzeaz gain 1.256 milioi lortu dituztela nabarmendu du.

...