Alderdi politikoak motorrak berotzen hasi dira kanpainaren hasierarako

Azaroak 20an amaituko den hauteskunde kanpainari hasiera emateko 12 ordu baino gutxiago geratzen direnean, euren hautagaiak aurkezten hasi dira asteazken honetan zenbait alderdi politiko.

Eduardo Madina PSEko Bizkaiko hautagaiak ekitaldi batean terrorismoaren biktimak gogoratu ditu (berak hanka bat galdu zuen 2002. urtean izandako ETAren atentatu baten ondorioz) eta "ixilik ez egoteko" eskatu die, "baita guri (Gobernuari) kritikatzen gaituztenei ere". Madinak gaineratu duenez, "biktima bakoitzeko ahots bat dago, herrialde honetan bizi dugun tragediaren aurpegi dira, alegia".

Bestalde, EAJk datorren agintaldirako "Estatuarekin estatus politikoko harreman" bat lortzeko gogoa azaldu du. Honen arabera, behin ETAren terrorismoa amaituta, "euskal herritarren borondate politikoa gaurkotzeko adostasun batera ez iristeko aitzakirik ez dago". Josu Erkoreka Kongresurako EAJko Bizkaiko hautagaiak azpimarratu duenez, hitzarmen berri hura "berdintasuna eta ituna" (alor politikoan) eta "aldebikotasuna eta bermeak" (alor juridikoan) izan behar ditu oinarri.

Sabino Cuadra Kongresurako Amaiur koalizioko Nafarroako hautagaiak baieztatu duenez, hauteskunde hauetan "jokoan dagoena ez da presidentetza, Euskal Herrien eskubideen aitorpena baizik". Hori dela eta, koalizioa "herriaren bozgorailu bat izango da, Euskadiko gogoak eta nahiak Madrilen azaltzeko".

EAJk, Zabaltzen independenteek eta Atarrabia Taldeak osatutako Geroa Bai koalizioak hauteskunde egitaraua aurkeztu du asteazken honetan. Bertan, "abertzaletasun zibiko eta instituzionalaren" eta "enplegua benetan suspertzeko neurrien" alde egin du.