'Gora Obama' oihukatu zuen alkatea Boiseko agintari izango da berriz

Dave Bieter, AEBetan euskaraz hitz egiten duen alkate bakarra, Boiseko alkate aukeratu dute hirugarrenez, hauteskundeetan botoen % 72,28 eskuratu baititu.

Bigarren belaunaldiko euskal amerikarra da Bieter. Bart izandako hauteskundeetan, 12.640 boto lortu ditu, David B. Hall errepublikanoa, 4.377 botorekin (% 25,72), oso urrun utzita.

Dave Bieterren hirugarren legealdia izango da Boisen. Euskadin oso ezaguna Dave Bieter, Boisen egindako mitin batean, milaka lagunen aurrean, 'Gora Obama' oihukatzeagatik.