Politika -
Ezbeharrak errepideetan
Bi pertsona larri zauritu dira Bizkaian jazotako bi istriputan
Aurreneko ezbeharra Lemoan gertatu da. 76 urteko gizon bat lubeta batean erori da bere ibilgailuarekin. Bigarren istripua Gueñesen jazo da. 82 urteko gizon bat harrapatu dute bertan.
Erredakzioa
Adineko bi gizon larri zauritu dira Bizkaian gertatutako bi istriputan. Aurreneko ezbeharra Lemoan jazo da. 76 urteko gizon bat 40 metroko lubeta batean erori da 4 x 4 ibilgailu batekin. Bigarrena Gueñesen gertatu da. 82 urteko gizon bat harrapatu dute bertan.
Herrizaingo Sailak jakitera eman duenez, 10:10 aldera Mitsubishi Montero 4 x 4 ibilgailu bat errepidetik atera eta 40 metroko lubeta batean erori da Lemoako Elizondo auzoan. Gainera, ibilgailua irauli egin da.
76 urteko gidaria ibilgailutik atera eta larri zauritu da. Zauritua Gurutzetako ospitalera eraman dute anbulantzian.
Bigarren istripua 13:00ak aldera gertatu da Gueñeseko Elkarterri kalean. Ford Transit furgoneta batek 82 urteko gizon bat harrapatu du. Adinekoa larri zauritu da eta Gurutzetako ospitalera eraman behar izan dute.