Urkulluk Amaiurrekin batzartzeko eskatu dio Rajoyri

Iñigo Urkullu EAJko presidenteak Amaiurrekin ez batzartzeko erabakian "atzera egiteko" eta "berehala" ETAko presoak Euskadiko espetxetara hurbiltzen hasteko eskatu dio Mariano Rajoy Espainiako Gobernuko hurrengo presidenteari.

Urkullu EAJko diputatu eta senatari hautetsiekin batzartu da gaur goizean, legegintzaldiko estrategia aztertzeko. Presidente jeltzalearen hitzetan, bi Ganberetako talde jeltzaleek krisi ekonomikoari "erantzutea", "bakea eta bizikidetza eraikitzea" eta autogobernua indartu eta Euskadirentzat estatutu politiko berria sustatzea izango dutela helburu.

Urkulluren aburuz, "kontraesankorra" da EAEko PP Aralarrekin batzartzea, baina Estatu mailan Rajoyk Amaiurrekin batzartzeari uko egitea.

EAJren EBBko buruzagia Amaiurrek talde parlamentarioa izatearen alde agertu da, baina hori PPk erabaki beharko duela argitu du.

Bestalde, ETAk indarkeria utzi eta gero "mugimenduak" egitea beharrezkoa dela iritzi dio, eta erakunde terroristaren presoak urruntzea "salbuespen" neurria zenez, orain hurbiltzea eta gainerako presoen egoerekin "parekatzea" eskatu du.

Lehendakari izateko hautegaia

Bestalde, alderdiko presidentea ez du baztertu lehendakari izateko hautagai aurkeztea; izan ere, bere hitzetan, alderdiko presidentea "hautagarria da, guztiz". Bestelako gauza dira, Urkulluren ustez, ondoren "sor litezkeen baterazintasunak".

EAJren tokiko erakundeetako hauteskundeen bigarren itzulia amaituta, Urkullu da EBBko presidente izateko hautagai bakarra. Ondorioz, karguan jarraituko du urtarrilaren 15ean Batzar Nazionala egin arte.

EAJren estatutuek kargu publiko eta barne karguen arteko bateraezintasunak aipatzen dituzte, baina noizbehinka salbuespenak izan dira.