Obamak Rajoy zoriondu du telefonoz

Barack Obama Amerikako Estatu Batuetako presidenteak Espainiako presidente berri bezala izendatu duten Mariano Rajoyri deitu dio. Dei horretan lortutako kargu berriagatik zoriondu du, eta bi herrialdeen arteko harremanak "bikainak" izateko proposamena egin dio.

Deiak 10 minutuz iraun du eta gaur goizean gertatu da, zehazki Gorte Orokorrek Rajoy presidente berri bezala izendatu ostean.

Ez da asko jakin hitz egin dutenari buruz, soilik Obamak Rajoy zoriondu eta bien arteko harremanak "bikainak" izatea espero duela.

Azaroak 20an, PPk hauteskundeak irabazi zituela jakin berri zenean, dei asko iritsi ziren alderdiaren Genovako egoitzara, horietatik lehena Frantziako Nicolas Sarkozy presidenteak eginikoa izan zelarik. Nazioarteko liderren beste deietako bat Angela Merkel Alemaniako Kantzillerrak hurrengo egunean eginikoa izan zen.

Lehenengo kontaktua

Estatubatuetarren ohiturari jarraituz, Obamaren deia soilik Rajoy gobernuburu bezala izendatzerakoan egingo zela ohartarazi zuten PPko iturriek. Dei hori gaur gertatu da, bihar Rajoyk Erregearen aurrean zin egitearen esperoan.

Dena dela, PPko buruzagiaren eta Obamaren gobernuaren lehenengo kontaktua orain dela bi aste gertatu zen, zehazki Timothy Geithner Altxor Publikoko idazkariarekin. Marsellan izan zen hartu-emana, eta nahiz eta minutu gutxitakoa izan, bertan Rajoyk eginiko ekonomi plana Espainia bezalako herrialde batentzako aproposena zela esan omen zion Estatu Batuetako Finantza arduradunak.