Ana Botella alkate izendatuko dute astearte honetan

Ana Botella alkateordea eta Madrilgo Udaleko Ingurumen eta Mugikortasun ordezkaria alkate izendatuko dute gaur. Inbestidura ekitaldia 10:00etan hasiko da ohiz kanpoko osoko bilkura batean, Cibeles Jauregian.

Joan den maiatzean hauteskunde orokorretara PPk aurkeztutako zerrendaren bigarren burua Botella izan zen; ondorioz, hauteskunde arauen arabera, bera izan behar da Alberto Ruiz-Gallardonen ordezkoa. Ana Botella Madrilgo alkatetza hartzen duen lehen emakumea izango da.

Europa Press albiste agentziari udaleko iturriek jakinarazi diotenez, inbestidura ekitaldian Alberto Ruiz-Gallardon Madrilgo alkate ohia eta Justizia ministroa, eta beste bost ministro izango dira: Jose Manuel Garcia Margallo, Ana Pastor, Jose Manuel Soria, Luis de Guindos, eta Ana Mato.

Ekitaldian, halaber, Esperanza Aguirre Madrilgo erkidegoko presidentea izango da.