PSOEk aurreikuspenetan babestea leporatu dio Gobernuari

Rodriguez-Piñeirok, Ekonomia bozeramaileak, Gobernua kritikatu du gaur, defizitaren inguruan “bidegabeak eta ez-eraginkorrak” diren murrizketak egiteko estimazioak erabili dituelako, eta Mariano Rajoyren ekintza “hauteskunde-iruzur” bezala definitu du.

Rodriguez-Piñeirok defizit publikoaren desbideratzea Autonomia Erkidegoei dagokiela nabarmendu du prentsaurreko batean, eta Gobernuko presidenteak, Mariano Rajoyk, datuek hauek ez ezagutzea “aitzakia” bezala erabili duela baieztatu du, izan ere, eskualdeen egoera ondo ezagutzen du, gehienetan gobernatzen baitu. “Autonomia Erkidegoen presidenteek Rajoy engainatu dute edo Rajoyk engainatu ditu espainiar guztiak”, adierazi du.

Aurreko Gobernuaren aurreikuspena defizitaren helburua betetzea zela nabarmendu du, eta Estatuaren Administrazio Zentralaren aldetik ez dela desbideratzerik egongo azpimarratu du. “Ezin dira kontuak egin estimazioekin”, kritikatu du.

PSOEren arduradunarentzat, datuak edukitzean ekitea izango litzateke zentzuzkoena eta zehatzena, baina, neurri hauekin klase-ertainak, soldatapekoak, pentsionistak eta autonomoak zigortzen dira.

“Neurri hauek krisia eta langabezia areagotzea eragingo dute, eta herrialde honetan hazkunde ekonomikoaren bateragarria den akordioa lortu behar da”. Gainera, bihar Alfredo Perez Rubalcabak talde ekonomikoarekin bilkura egingo duela adierazi du, neurriak aztertzeko.

“Rajoyk aurpegia eman behar du, bere hautesleentzat iruzurra eta hiritar guztientzat engainua baita”, gehitu du.

Zergen igoera orokortuen aurrean, Gobernuak ohiko etxebizitzen erosketaren kenkaria errekuperatzea kritikatu du PSOEk, honek “piztu” baitzuen higiezinen burbuila.