Basagoitik eta Urizarrek komunikazio 'egonkorra' mantenduko dute

Antonio Basagoiti Euskadiko PPko presidenteak eta Pello Urizar Bilduko idazkari nagusi eta bozeramaleak euren alderdien artean komunikazio "egonkorra" mantentzea adostu dute, biek azaldu dutenez ostegun honetan izandako bileraren ostean.

Bilerak ordu eta laurden iraun du, eta Basagoitik ETAko presoentzat ez dela "amnistiarik" egongo esan dio Urizarri. Gainera, ETA desagertu eta Batasunak "egindako kaltea" onartzen ez duen bitartean ez dela ezker abertzalearekin bilduko baieztatu du.

Urizarrekin izandako bilera EAko buruzagia delako izan dela zehaztu du Euskadiko PPko presidenteak.

ETAko presoei dagokionez, Gobernu zentralaren jarrera eta euskal popularrena "legea bete" behar dela da. "Ezin da zigorgabetasunik ez eta amnistiarik egon", adierazi du.

Halaber, Patxi Lopez lehendakariak ezin duela egun osoa presoei buruz hitz egiten igaro eta elkarbizitzaren eta krisiaren kontsolidazioari ekin behar diola gaineratu du Basagoitik.

Bilerak ordu eta laurden iraun du, eta Urizarrek azaldu duenez, komunikazio egonkorra mantentzea adostu izanak baliteke bien artean akordioak erraztea aurrerantzean.

Presoen egoerari buruz aritu dira eta, Jose Maria Aznarren garaia aipatuta, PPko Gobernuekin hurbiltzeko urratsak egon baziren, Exekutibo berriak ere hala egin dezakeela helarazi dio Urizarrek Basagoitiri.

Halaber, Euskadiko PPk zeregin "oso garrantzitsua" duela komunikatu dio, hemengo egoera eta gizartea nola dauden azaldu behar baitio PP nazionalari. Urizarren hitzetan, Basagoitik onartu egin du euskal liskarrean "erro politikoa" dagoela.