Politika -
'Txillardegi' hil da
EAk historiako 'aktore garrantzitsu' baten heriotza deitoratu du
Alderdiak komunikatu bat atera du Donostiako hizkuntzalari eta idazle emankorraren heriotzak eragindako atsekabea adierazteko. Txillardegi ere ETAren sortzaileetariko bat zen.
Erredakzioa
Eusko Alkartasunak Jose Luis Alvarez Enparantza 'Txillardegi'ren heriotza deitoratu du, "Euskal Herriko historiaren azken 50 urteetako aktore garrantzitsua baita, ez bakarrik politikaren arloan, hizkuntzalaritzan eta literatura-sorkuntzan ere".
Alderdiak komunikatu bat atera du Donostiako hizkuntzalari eta idazle emankorraren heriotzak eragindako atsekabea adierazteko. Txillardegi ere ETAren sortzaileetariko bat zen eta "Euskadi ta Askatasuna" izena eman zion.
Pello Urizarren alderdiak, gainera, azpimarratu egin du 'Txillardegi' "Euskal Herriaren eraikuntza nazionalerako oinarrizko esparruetako militantea zen", "garai berrietara moldatzeko gaitasuna izan zuena", eta formula berriak bilatu zituena "herri euskaldun eta aske bat" lortzeko helburuarekin.