Politika -
ETAren aurkako borroka
Frantzian atxilotutako ETAko ustezko kideak espetxera bidali dituzte
Jon Etxebarria Oiarbideri, Iñigo Sancho Marcori eta Ruben Rivero Campori hamabi delitu egotzi dizkiete.
Redacción
Larunbatean Frantzian atxilotutako ETAko ustezko hiru kideak espetxera bidali zituzten atzo gauean, Pariseko epaile batek inputatu ostean, epaitegietako iturriek Efe albiste agentziari jakinarazi diotenez.
Jon Etxebarria Oiarbideri, Iñigo Sancho Marcori eta Ruben Rivero Campori hamabi delitu egotzi dizkiete; besteak beste, ETAko kideak izatea (10 urteko kartzela-zigorra jaso dezakete horregatik).
Lehergaiak eta lehergailuak eramatea, terrorismoa finantzatzea, armak eta munizioa baimenik gabe izatea, matrikula faltsuak erabiltzea, agiri faltsuak izatea eta eskritura pribatuak faltsutzea ere egotzi diete.
Ikerketako iturrien arabera, Etxeberria Oiarbidek 2010eko martxoko tiroketan parte hartu omen zuen (Jean-Serge Nérin polizia frantziarra hil zuten bertan), eta hura atxilotzeko agindua zegoen.
