Politika -
Ardanzaren idazkari ohia
Pilar Garcia de Salazar, EBBko idazkari berria
Gonzalo Saenz de Samaniego, Joseba Aurrekoetxea, Koldo Mediavilla, Iñaki Goikoetxeta, Aitor Olaizola, Lorea Bilbao eta Nekane Alonso ere hainbat kargutarako izendatu dituzte.
Erredakzioa
Pilar Garcia de Salazar izango da aurrerantzean EAJko Euzkadi Buru Batzarreko (EBB) idazkari berria. Arabako EAJko buruzagia eta Jose Antonio Ardanza lehendakariaren idazkaria izan da, eta, orain Belen Greavesen tokia beteko du.
Zuzenbidean lizentziaduna eta euskal ikasketetan diplomatua da Pilar GarcIa de Salazar (52 urte). Arabako Batzar Nagusietan prokuradorea ere bada.
Alderdiaren zuzendaritza osatzen duten beste hainbat kargu ere izendatu ditu EBBk: Gonzalo Saenz de Samaniegoren esku egongo da Ekonomia eta Garapenaren arloa. Joseba Aurrekoetxea izango da Antolakuntza eta Hauteskunde Prozesuen arduraduna, eta Koldo Mediavilla, berriz, Instituzio arloko arduraduna. Nazioarteko gaiak Iñaki Goikoetxetak gidatuko ditu berriz, eta Aitor Olaizolaren esku egongo da Gizarte Arloa. Kultura, Gazteria eta Kiroletako arduraduna Lorea Bilbao izango da, eta Herritarrekiko gaien ardura, berriz, Nekane Alonsok hartuko du.
