Gerenabarrena: 'EAJn bada Miñao Auzia ABBren kontra erabiltzen duenik'

Iñaki Gerenabarrena EAJren Arabako presidenteak ziurtatu duenez, "bada alderdiaren barruan Miñao Auzia" Araba Buru Batzarreko Exekutibari "kalte egiteko baliabide gisa erabiltzen duenik".

ETBn emandako elkarrizketa batean esan duenez, duela lau urte Arabako EAJren hauteskunde prozesuan ABBren presidentziaren hautagaiaren inguruan akordio bat lortu zen, baina "aurten gauzak desberdinak izango dira", erantsi du.

Bere ustez, Miñao Auziaren inguruan "alderdi barruan ere bada liskarra biziagotzea interesatzen zaionik", EAJren Gobernuaren garaiko Arabako Aldundiko hainbat arduradun ari dira ikertzen auzi horretan, eta alderdi horretako hainbat ordezkari ere bai, ikertzen ari diren gertakariak, hain zuzen, Gerenabarrena presidente izan den garaian jazotakoak dira.

Ustezko trama horien inguruan Gerenabarrenak "ikerketa judiziala hasi zela bi urte pasa" direla adierazi du eta "Legebiltzarrean EAJk ez duela inolako parte-hartzerik izan" ikusi dela erantsi du.

"Egia da gertakari horiek egungo ABBren agintaldian jazo direla" eta EAJren barne hauteskunde prozesua dela eta "hori norbaitek erabili nahi izana ulertzen dut", azaldu du jeltzaleak, baina "ez dut joko zikina bezala joko", erantsi du.

Bestalde, Gerenabarrenaren ustez "litekeena da" EAEko hauteskunde autonomikoak aurreratzea "Jaurlaritzak krisia kudeatzeko duen ezintasuna ikusita", eta horren aurrean, EAJren barruan lehendakari izateko bere "hautagai gogokoena" Juan Jose Ibarretxe dela azaldu du Arabako jeltzaleen presidenteak.