Politika -
Bakegintza
Etxeratek kartzela-politika konponbidean oinarritzeko eskatu du
Gaixotasun larriak dituzten presoak eta zigorra bete dutenak libre uzteko eta presoen kolektibo osoa euskal-kartzeletara hurbiltzeko eskatu du.
Erredakzioa
Etxerat ETAko presoen senideen elkarteak "sakabanatze politikarekin" amaitzeko eskatu die Espainia eta Frantziako gobernuei. Horretarako, "kartzela-politika konponbidean pentsatuz" alda dezatela ere exijitu die.
Horrez gain gaixotasun larriak dituzten presoak eta zigorra bete dutenak libre uzteko eta presoen kolektibo osoa euskal-kartzeletara hurbiltzeko eskatu dute.
Etxeratek komunikatu bat atera du Joseba Esparza, Xabier Rey eta Joseba Lerin presoen senideek Irurtzunen auto-istripua izan dutela aditzera emateko eta "azken 22 urteetan, presoen 16 senide eta lagun errepideetan hil direla" salatzeko.