Ripollek ETAko kide izatea onartu eta zigorra bete duela gaineratu du

Iñigo Ripoll Estarta ETAko kideak ETAn "etengabeko kidetza" izan zuela eta delitu horregatik Frantzian zazpi urteko kartzela-zigorra bete zuela adierazi du. Ripolli Hodei Galarraga eta Egoitz Gurrutxaga ETAko kideak, biak hilda, etxean hartzea leporatzen diote.

Ripolli epaiketa egin diote Auzitegi Nazionaleko zigor alrlo salaren bigarren sekzioan. Carmen Monfort fiskalak 18 urteko kartzela-zigorra eskatu du akusatuarentzat banda armatuan parte hartzeagatik eta lehergailuak gordetzeagatik.

Iñigo Iruin bere abokatuak egindako galderei erantzunda, ETAn 2002ko Aste Santutik 2006ko urtarrilaren 26an Frantzian atxilotu zuten arte parte hartu zuela esan du. Hala ere, aurretik ere ETArekin elkarlanean ari zela onartu du, terroristentzako azpiegiturak eta etxebizitzak bilatzen.

Lehergaiak, ezkutatuta

ETAko kide zen garai hartan, hain zuzen, Bilbon etxebizitza bat alokatu eta "bi mutil eta neska bati" giltzak eman zizkien. Ripollen hitzetan, ez zituen ETAko kide horiek ezagutzen eta bere etxean tarteka bizi ziren.

Gainera, akusatuak azpimarratu egin du ez ziela baimenik eman etxebizitzaren sarreran zegoen kutxatzarrean lehergailurik gordetzeko.