Politika -
Euskobarometroaren datuak
UPyDk Legebiltzarrean ordezkaritza lortuko duela ziurtatu du Maneirok
Patxi Lopezen Gobernua "kudeatzaile txarra" dela esan du eta "Euskadik behar zituen aldaketak ez sustatzea" egotzi dio.
Erredakzioa
Gorka Maneiro UPyDko legebiltzarkidea ziur dago bere alderdiak Legebiltzarrean ordezkaritza lortuko duela datozen hauteskundeetan, eta aurreko emaitzak ere hobetuko dituztela uste du.
Donostian egin duen prentsaurrekoan, Euskobarometroaren datuak baloratu ditu, izan ere, datu horien arabera, UPyDk ez luke eserlekurik eskuratuko.
Zentzu honetan, datuak "errespetatzen" dituela esan du, baina Legebiltzarrean ordezkaritza lortuko dutela ziurtatu du, baita areagotu ere, "PSEk eta PPk egiten dutenaren ondorioz".
Patxi Lopezen Gobernua "konplexuz" beterik dagoela adierazi du eta "kudeatzaile txarra" izatea egotzi dio. Gainera, "Euskadik behar zituen aldaketak ez ditu sustatu", adierazi du, ondorioz, "ez du hitza bete", eta PPri "aldaketa politikorako iruzurrean" parte hartzea leporatu dio.
