Egibar:'Ezker abertzaleak erlijio berria egin du zaborren kontuarekin'

Ezker abertzaleak "zaborren kontuarekin erlijio berria" egin duela esan du Joseba Egibar EAJko agintariak. Ondorioz, zabor bilketak "lehentasunen ordena" aldatu du, independentziaren eta bake-prozesuaren garapenaren aurretik jarrita.

"Ezker abertzaleak zeozer du edukiontzien kontra, iraganean ez zituzten gogoko, eta gaur egun ere ez", esan du Egibarrek ironia erabilita. Horrekin batera, Bilduri agintea kentzeko EAJk zentsura-moziorik aurkezteko asmorik ez duela ziurtatu du.

Horri lotuta, azken hauteskundeetan hartutako erabakiari, udal eta foru gobernuetan zerrenda bozkatuenak agintzearena, alegia, "eutsi" egiten diotela adierazi du.

Egibarrek prentsaurrekoan egin dite adierazpenok, Enero Goia Donostiako Udaleko EAJko bozeramailea ondean zuela. Jeltzalearen ustez, PSE-EEk eta PPk eskatutako zentsura-mozioak "hedabideen oihartzuna" lortzeko estrategia baino ez da.

"Boterea kudeatzeko arazoak dituzte"

GBBko presidenteak dioenez, Bilduk "boterea kudeatzeko arazoak ditu" eta EAJrekiko "probokazio-estrategia" martxan jarri du, eta "beste alderdi batzuek ere estrategia horri heldu diote". Bere ustez, koalizio independistak "Patxi Lopezen lidergo faltaren eta inprobisazioaren kutsu gero eta handiagoa dauka", "programarik ez duelako eta oposizioaren bultzadei Ester bakarrik aurrera egiten duelako".