Itxi

Politika

ETA

EH Bildu Aieteko adierazpenean eta ongietorri publikoen aurka dagoela esan du Otegik

Agentziak | EITB MEDIA

EH Bilduko koordinatzaile nagusia Sorturen erabaki eta ekintzetatik aldendu da, eta esan du bera ez dela ezker abertzalearen bozeramailea.

  • Arnaldo Otegi EH Bilduko koordinatzaile nagusiak prentsaurrekoa eman du.

    Arnaldo Otegi EH Bilduko koordinatzaile nagusiak prentsaurrekoa eman du. Argazkia: EFE.

Arnaldo Otegik ostiral honetan adierazi duenez, EH Bildu "Aieteko adierazpenean dago", atsekabea agertu baitzuen ETAren biktimei eragindako "sufrimenduagatik", eta inoiz  ez zela gertatu behar adierazi zuen. Halaber, ETAko presoei kaleratzen dituztenean ongietorri publikoak egitearen aurka agertu da.

Gainera, EH Bilduko koordinatzaile nagusia Sorturen erabaki eta ekintzetatik aldendu da, bera ez dela "ezker abertzalearen bozeramailea" esanez. "Beraz, Sorturi eragiten dioten gauzak Sortuk erantzun behar ditu", gaineratu du.

Otegik prentsaurrekoa eman du Donostian, lan-erreformari buruzko akordioa baloratzeko, eta kazetarien galderei erantzun die, Sortuk David Pla ETAko buruzagi ohia alderdi horretako zuzendaritzarako proposatu izanari buruz, eta Iruñean Iñaki Etxebarriari ongietorria egin izanari buruz.

 

Sorturen izenean hitz egiteari uko egin ostean, berak "EH Bildu non dagoen" esan dezakeela azaldu du. "EH Bildu Aieteko adierazpenean dago, argi eta garbi, eta ez da adierazpen horretatik milimetro bakar bat ere mugituko. Horixe da bizikidetza demokratikoari dagokionez herrialdeari egin diogun ekarpena", gaineratu du.

Iñaki Etxebarria ETAko presoari Iruñean egindako ongietorriaren berri ez duela esan ondoren, bere alderdia EPPK ETAko presoen kolektiboak presoei harrera publikorik ez egiteko "finkatutako posizioan" dagoela adierazi du. "Hori da EH Bilduren jarrera", berretsi du.

  • Bisitatuena

      Kargatzen ikusiena
      Kargatzen ikusiena