Publizitatea
Itxi

2012/03/30

14:29

Politika

Eusko Legebiltzarra

Bakerako lantaldearen bozketak zatiketa eragin du Aralarren

Erredakzioa

Lau legebiltzarkideetatik hiruk bakerako eta elkarbizitzarako foroaren alde bozkatu dute, alderdiaren zuzendaritzak eskatutakoaren kontra.

  • Aintzane Ezenarro (Aralar), Eusko Legebiltzarreko saioan. Argazkia: EFE

    Aintzane Ezenarro (Aralar), Eusko Legebiltzarreko saioan. Argazkia: EFE

  • Whatsapp
  • Whatsapp
  • Telegram
  • Bidali

Eusko Legebiltzarrean adostutako bakerako eta elkarbizitzarako lantaldearen bozketak zatiketa eragin du Aralarren. Lau legebiltzarkideetatik hiruk foroa eratzearen aldeko botoa eman dute, eta hortaz, alderdiaren barruko diziplina hautsi dute.

Aintzane Ezenarrok, Oxel Erostarbek eta Mikel Basabek lantaldearen eraketa babestu dute, Dani Maeztuk, berriz, Aralarko zuzendaritzak finkatutako eskakizunari jarraituz, kontra bozkatu du. Alderdiko zuzendaritzak foro horretan aukera politiko guztiek, ezker abertzaleak barne, baldintza berdinetan parte hartzea exijitzen zuen.

Ostiral honetan aurrera atera den akordioan, ordea, ez da Aralarko zuzendaritzak jasotako betebehar hori jasotzen, izan ere, foro horretan ezker abertzalea ez da partaide iraunkorra izango.

Maeztuk joan den astean emandako prentsaurreko batean Aralarko talde parlamentarioan bozketa garaian zatiketarik ez egotea espero zuela adierazi zuen, eta bere alderdikideek, gaurko saioan gertatu den moduan, alderdiaren barruko diziplina hautsiz gero "ondorioak" izango direla ohartarazi zuen.

Ezenarrok, Erostarbek eta Basabek ez dute inolako azalpenik eman lantaldearen eraketaren bozketaren ondoren. Dani Maeztuk, berriz, ez du ezer aurreratu nahi izan, gaur arratsaldean prentsaurrekoa emango du Donostian Patxi Zabaleta Aralarko idazkari nagusiarekin eta Rebeca Ubera Gipuzkoako agintariarekin batera.

Aralarrek "diziplinako espediente bat" ireki diezaieke

Aralarko barne araudiaren 93. artikuluak jasotzen duenez, gai moral edo etikoetan eta alderdiak eskakizunik egin ez duen kasuetan boto askatasuna izango dute kargu publikoek.

94. artikuluan, berriz, Aralarko kargu publikoek "erakundearen boto agindua bete" beharko dutela jasotzen da, baita beste alderdiren batekin hitzarmen bat edo itunen bat adosten kasuetan, edota "erakundearen helburuekin eta oinarri ideologikoarekin oso lotuta" dagoen kasuetan.

95. artikuluan, boto agindu hori hautsiz gero, "diziplinako espediente bat irekitzea" eragin dezakeela jasotzen da, eta, fede txarrez egina dela ikusiz gero edo jarrera errepikatzen bada, "alderditik kanporatu" dezaketela jasotzen da.





  • Hau zure interesekoa bada, baliteke beste gai hauek ere izatea:
  • Bisitatuena

      Kargatzen ikusiena
      Kargatzen ikusiena