Murillo epailea, tortura salaketen aurrean: 'Tira, arratsalde on!'

Angela Murillo Auzitegi Nazionaleko epaileak Jon Kepa Preciado ETAko ustezko kidearen tortura salaketak moztu ditu honako esaldiarekin: "Tira, arratsalde on!". 2003ko uztailaren 1ean ETAk Iberdrolaren Bilboko egoitzaren aurrean auto bat lehertzeko egindako saiakerarekin lotuta izan da epaiketa. Fiskalak sei urteko kartzela-zigorra eskatu du auzipetuaren kontra atentatua egiten laguntzea egotzita.

Auzi-saioaren amaieran, auzipetuak esan du bere txanda aprobetxatu nahi zuela "esan nahi dudana esateko". "Ez nazazu moztu, zure burua defendatzeko izan dadila zure hitzaldia, ez nahi duzuna esateko", adierazi dio orduan epaileak.

Murilloren oharraren aurrean, Preciadok euskaraz erantzun dio: "Torturatzaile zikinak babesten dituzu eta ez duzu gainerakoen sufrimendua aintzat hartzen".