Politika -
Eusko Legebiltzarra
Zerga-gatazkak Konstituzionalak erabakitzea eskatuko du Legebiltzarrak
Errioxak eta Gaztela Leonek helegitea jarri zuten horren kontra eta Eusko Legebiltzarrak epaiketan parte hartuko du.
Erredakzioa
Eusko Legebiltzarrak lurralde historikoetako zergekin sor daitezkeen gatazkak Auzitegi Konstituzionalak ebaztea defendatuko du auzitegi horretan bertan.
Errioxak eta Gaztela Leonek helegitea jarri zuten horren kontra eta Eusko Legebiltzarra epaiketara azalduko da.
Legebiltzarreko alderdi guztiek, UPyDk izan ezik, babestu dute EAJren ez legezko proposamena.
2007ko ekainean, Eusko Legebiltzarrak Auzitegi Konstituzionalaren eta Botere Judizialaren legeak aldatzeko Lege proposamena igorri zuen Kongresura.
Ekimen horrekin, Arabako, Bizkaiko edo Gipuzkoako zergen inguruan auzirik sortuz gero, Auzitegi Konstituzionalari ematen zitzaion ebazpena emateko ardura. 2010ean, Kongresuak onartu egin zuen ekimena.
Lege berria indarrean jarri zenean, Errioxako eta Gaztela Leongo gobernuek eta parlamentuek inkonstituzionaltasun helegiteak jarri zituzten.
Jaurlaritzak martxoan onartu zuen prozesu judizial horietan parte hartzea eta orain Eusko Legebiltzarrak hartu du erabaki bera.