Politika -
Bukaresteko finala
Patxi Lopezek Basagoiti besarkatuko du Athleticek irabaziz gero
Lehendakariak ez du buruzagi popularrarekin hitz egin PSE-EErekin duen ituna hautsi zuenetik.
Erredakzioa
Patxi Lopez lehendakariak esan du ez duela Antonio Basagoiti PPren EAEko presidentearekin hitz egin Jaurlaritzan PSE-EErekin zuen akordioa apurtu zuenetik, baina buruzagi popularra besarkatuko duela esan du Athleticek Europa Leagueko finala irabazten badu.
Ser irrati-katean egin dioten elkarrizketa batean azaldu duenez, duela astebete hitz egin zuen Basagoitirekin azkeneko aldiz eta ordutik mezuak bakarrik bidali dizkiote elkarri.
Hala eta guztiz ere, lehendakariak esan du Basagoiti besarkatuko duela Bucaresten Athleticek Europa Leagueko finala irabazten badu.
