Politika -
Batzarra Bilbon
Patxi Lopez: 'Gardentasun Legea ustelkeriaren aurkako antidotoa da'
Lehendakariak euskal erakundeen sarea argitzearen alde egin du, herritarrek “Udalaren, Aldundiaren edo Gobernuaren azken faktura kontsultatu ahal izateko”.
Erredakzioa
Patxi Lopez lehendakariak adierazi du gardentasunari buruzko lege bat beharrezkoa dela, ustelkeriaren aurkako "antidoto" gisa. Halaber, EAEko erakunde-sareari "blindajea kentzea" defendatu du, herritarrek "Udalaren, Aldundiaren edo Jaurlaritzaren azken faktura ere" kontsulta dezaten.
Lehendakariak Bilbon egin ditu adierazpenok, bere Gobernuak sustatzen duen gardentasun legeari buruzko biltzar batean parte hartu eta gero.
Ekitaldian, "Gobernu irekia" ekimena eta gardentasun legearen zirriborroa aurkeztu dituzte. Patxi Lopezek ekimen hau gizartearen eskaeren erantzuna dela esan du, eta “herritarrek jakiteko eskubidea dutela gaineratu du.
"Gauzak oso azkar aldatzen dira”, esan du, eta “ezin dugu geldirik egon politikaren eta gizartearen artean mesfidantzaz betetako urruntze bat gertatzen ari denean”, nabarmendu du.