'Langraizeko bideko' preso bat, aske

Espetxeratuen Zaintzako Epaitegiak baldintzapeko askatasuna eman dio Joseba Andoni Diaz Urrutia 'Langraizeko bidea' jarraitzen ari zen presoari.

Presoa LAB sindikatuko militante ohia da, eta 1998ko maiatzean atxilotu zuten, ETAren finantziazioaren ustez lotuta zeuden hainbat enpresaren aurkako operazio batean.

Orain, epaileak ebatzi du Diaz Urrutiak idatziz adierazi duela indarkeriaren arbuioa, eta indarkeriak gizartean eta biktimei egindako kaltea aitortu du.

Halaber, gogorarazi du ez duela biktima zuzenik eragin, zigorraren hiru herenak bete dituela, hirugarren graduan dagoela eta gizarteratze aurreikuspen ona duela.