Albiste izango dira: Larrialdia Afrikan, Clara Ponsatiren atxiloketa eta DSBE berria

Honako gai hauek hartuko dituzte gaur, martxoak 29, hedabideetako lerroburu nagusiak:

- Larrialdia Afrikan: Afrikak bizi duen gosete arrisku larriaren inguruko erreportaje bereziak eskainiko ditu EITBk gaurtik aurrera, Larrialdia Afrikan izenburupean, zazpi egunez, Euskal Telebistako ·Gaur Egun" eta "Teleberri" albistegietan.

- Clara Ponsatiren atxiloketa: Pablo Llarena epaileak behin-behinean aske utzi du Clara Ponsati kontseilari ohia, eta apirilaren 24an deklaratzera deitu du. Atzo atxilotu zuten, 18:07an, Bartzelonako Katedralaren plazan.

- DSBE berria: Diru Sarrerak Bermatzeko Errentaren (DSBE) lege berria sartuko da indarrean EAEn. Besteak beste, kuotak eguneratuko dira: gutxieneko errenta 800 eurokoa izango da hemendik aurrera pertsona bakarrentzat (orain arte, 727 eurokoa zen), eta 1.066 eta 1.680 euro artekoa bi pertsonak edo gehiagok osatutako familientzat.