Barne ministroak operazioa aurreratzea 'onartezina' da Frantziarentzat

Frantziako Poliziak gogor kritikatu du Jorge Fernandez Diaz Espainiako Barne ministroak goizean egindako adierazpenak. Izan ere, egunean zehar ''ETArekin zerikusia duen albiste ona'' izango zela aurreratu du ministroak elkarrizketa batean, Frantziako Poliziak Juan Maria Mujika Dorronsoro atxilotu baino ordu batzuk lehenago.

ABC Punto Radio irratian egindako adierazpen horietan, gainera, joan den astean Poliziak ETAko ustezko sei kide atxilotu zituela gogora ekarri du. ''Marka da'', esan du Jorge Fernandez Diazek.

Adierazpen horiek ''onartezinak'' direla esan du Frantziako Poliziak, horren ustez operazio baten inguruko informazioa aurreratu baitu hitz horiekin. ''Izan zitekeen Barne ministrorik txarrena da'', esan dute.