Politika -
Andoaingo udaltzainen burua
Pagazaurtunduaren hiltzailearen zigorra berretsi du Auzitegi Gorenak
Halere, banda terroristaren kide izategatik eskatu duten delituengatik inputatzea errefusatu du Auzitegiak, ez baitago “zantzurik”.
Erredakzioa
Auzitegi Gorenak (TS) Gurutz Agirresarobek 2003ko martxoan Joseba Pagazaurtundua Andoaingo Udaltzaingoen burua tiroz hiltzeagatik jasotako zigorra berretsi du eta akusatzaileei ahozko saioan zantzuak agertu ez izana leporatu die.
Hala erabaki du Goreneko Zigor Arloko Aretoak, Auzitegi Nazionalak 2011an ebatzitakoa baieztatuta, eta Fiskaltzaren eta akusazio partikularraren errekurtsoa baztertuta. Azken horiek hamar urtez kartzelaldia luzatzea eskatu zuten, banda terrorista baten kide izatea leporatuta.
Epaian, Julian Sanchez Melgar epailea buru izanda, Auzitegi Nazionalak emandako argudioak bere egiten dituzte eta, gogorarazten duenez, ez “dago zantzurik” banda terrorista baten kide zela esateko, ez baitago “daturik komando eta edonolako talde baten kide” zela baieztatzeko.
Zigortzerakoan erabilitako zantzua biktimaren zain zegoen bitartean taberna batean eskatutako kafe-katilu batean atzemandako aztarnen informazio genetikoa izan zen.