Herrirak Coruñan antolatu duen ekitaldi bat debekatzea eskatu du AVTk

Herrirak Alberto Plazaola presoari elkartasuna adierazteko Coruñako Texeiro kartzelan egingo duen kontzentrazioa debekatzea eskatu du Terrorismoaren Biktimen Elkarteak (AVT) Auzitegi Nazionalean; izan ere, AVTk ekitaldia deitu du toki eta leku berean ETAren biktimentzat "justizia" eskatzeko.

"Ekitaldi horren helburu bakarra ekintza terroristak goratzea da, eta hori terrorismoa goratzea, justifikatzea eta biktimak publikoki iraintzea da", AVTk gaineratu duenez.

Halaber, elkarte horren esanetan, Herriraren elkarretaratzea "probokazioa" da, egun horretan AVTk martxa egingo baitu ("Justiziaren aldeko martxa" izenaz egingo duten hirugarrena) Teixeiroko espetxera. Herriaren helburua, AVTren ustez, "liskarra" sortzea da.

Larunbatean, Beñat Zarrabeitia Herrirako bozeramaileak bi martxek topo egitea galarazi nahi dutela azaldu zuen.