Politika -
Hauteskundeak Galizian
Mario Conde, Xuntako presidentetzarako hautagaia
Banestoko presidente ohia Gizarte Zibila eta Demokrazia alderdiko hauteskunde-zerrendaren buru izango da Pontevedran. Conderen asmoa "kontzientziak astintzea" da.
Erredakzioa
Mario Conde Banestoko presidente ohiak larunbat honetan iragarri duenez, Xuntako presidentetzarako hautagaia izango da urriaren 21ean izango diren Galiziako hauteskunde autonomikoetan.
Conde Gizarte Zibila eta Demokrazia alderdiaren hauteskunde-zerrendaren buru izango da Pontevedran. Enpresariak argitu duenez, erabakia "logikoa, normala eta naturala da", eta horren asmoa "kontzientziak astintzea" da.
Condek azaldu duenez, hautagaitza honen proposamena bota du "haztegi bat sortzen joateko", atxikimendu gehiago lortzeko, hain zuzen ere. Hala ere, esan duenez, "litekeena da ekimena amaituta ez ikustea".
