Homosexualak ezkontzeko legearen kontrako helegitea aztertzen dabiltza

Konstituzionalak 17:15ean hasi du homosexualen arteko legearen konstituzionaltasunari buruzko erabakia hartu dezakeen bilera, PPk hala eskatuta.

Gaurko osoko bilkuran ez dute aurreikusi epaia ematea, baina bai hamaika magistratuk bozketa egitea (hamabi dira, baina batek ez du botorik emango".

Auzitegitik jakitera eman dutenez, ez dago ziur erabakirik izango denik, magistratuek helegitearen inguruko epaiaren konstituzionaltasuna eta oinarri juridikoa aztertuko duten arren.

Konstituzionaletik adierazi dutenez, ezinezkoa da epaiaren norabidea aurreikustea, eta hartu dezaketen erabakia aurreratzea "susmoa" izango litzakeela nabarmendu dute. Gaur erabakirik ez hartzea ere zilegi dela azpimarratu dute.

Auzitegiko magistratuak uztailetik errekurtsoa aztertzen ari dira. Jose Luis Rodriguez Zapateroren Gobernuak onartutako legeak sexu bereko 30.000 pertsona baino gehiago ezkontzea ahalbidetu du.

Konstituzionalak sexu bereko ezkontzen arteko legezkotasunaren edo ez legezkotasunaren inguruan erabaki bat hartuko balu erabakia bakarrik egingo luke publiko, epaiak denbora bat izan beharko lukeelako ezagutzera emateko, epaitzan batasunik lortzen ez badute.

Konstituzionalaren bilera (bozketa izan daiteke bertan) 18:00etan izango da, iturriek azaldu dutenez.

PPk helegitea 2005eko irailaren 30ean aurkeztu zuen, eta bertan sexu bereko pertsonek "ezkontzaren oinarrizko ezarpena" desnaturalizatzen duela zioen, "orain arte ulertu bezala".

PPk legeari helegitea jarri bazion ere, alderdiaren barruan kritikak jaso zituen, sexu bereko pertsonen arteko ezkontzaren alde baitzeuden batzuk.

Alberto Ruiz-Gallardon Justizia ministroak Madrilgo alkatea zenean homosexualen arteko ezkontzak egin zituen. 2005etik Espainian 30.000 baino gehiago izan dira, Lesbianen, Gayen, Transexualen eta Bisexualen Estatuko Federazioaren datuen arabera.

Marotok "kalean normala dena" legezkoa izatea espero du

Javier Maroto Gasteizeko alkateak Konstituzionalak homosexualen arteko ezkontzak mantentzearen alde egin du, PPk justu kontrakoa babestu arren, era horretan "azkenean kalean normala dena legezkoa izango delako".