Teknologia -
37.000 jarraitzaile Twitterren
Benetako Demokraziak PSOE eta PP gainditu ditu Twitterren
Dena den, Benetako Demokraziaren jarraitzaileak Facebooken askoz gehiago dira, 238.454 jarraitzaile ditu bere profilak.
Erredakzioa
Benetako Demokraziak 37.000 jarraitzaile baino gehiago ditu Twitterren, eta PSOE eta PP alderdiek sare sozial horretan dituzten kontuen jarraitzaileak gainditu dituzte.
Europa Pressek jakinarazi duenez, ostiral honetan 37.427 jarraitzaile zituen Benetako Demokraziak; PSOEk eta PPk, aldiz, 20.054 eta 16.786 zituzten. Bestalde, Soleko Kanpaldiaren kontuak 29.063 jarraitzaile zituen.
Benetako Demokraziaren jarraitzaileak Facebooken askoz gehiago dira, 238.454 jarraitzaile ditu bere profilak. Hala ere, PSOE eta PP jarraitzen dituzten Interneteko erabiltzaileak ere gehiago dira, PPk 34.391 jarraitzaile ditu, eta PSOEk 29.045.
