EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

16:26

EAE-ko Hauteskundeak 2020

EH Bildu

Otegi ezin dela hautagai izan berretsi du Hauteskunde Batzordeak

AGENTZIAK | ERREDAKZIOA

Orain, EH Bilduk bi eguneko epea du bide judizialean helegitea aurkezteko.

1:23
  • Whatsapp
  • Whatsapp
  • telegram
  • Bidali

Gipuzkoako Hauteskunde Batzordeak errefusatu egin ditu EH Bilduren alegazioak, eta, horrenbestez, berretsi egin du Arnaldo Otegi ezin dela izan koalizio abertzalearen lehendakarigaia irailaren 25eko hauteskundeetan.

Abuztuaren 24an, Bateragune auziko kondenaren ondorioz Otegik boto pasiboa gauzatzea debekatuta duela ebatzi zuen Hauteskunde Batzordeak, eta beste lehendakarigai bat hautautzea eskatu zion EH Bilduri.

Koalizio abertzaleak alegazioak aurkeztu zituen, debeku hori buruzagi abertzalea espetxetik atera zenean bukatu zela argudiatuta, baina Hauteskunde Batzordeak errefusatu egin du argudioa.

Orain, EH Bilduk bi eguneko epea du administrazio-auzietarako epaitegian helegitea aurkezteko. Beraz, bide judiziala abiatu beharko du orain Otegi hautagai izan dadin.

Edonola ere, azken hitza Auzitegi Konstituzionalak izango du, eta irailaren 7ko gauerdia baino lehen jakinarazi beharko du bere erabakia.

Hauteskunde Batzordearen erabakiaren ondorioz, Maddalen Iriarte Gipuzkoako zerrendako bigarrena zerrendaburua izango da orain, eta azken postuak lehen ordezkoa sartuko da, Xabier Isasi.

Erabakia Maria del Carmen Bildarraz, Jone Unanue eta Felipe Peñalba epaileek eta Lurdes Maiztegi abokatuak hartu dute. Hauteskunde Batzordeak beste kide bat du, Iñaki Agirreazkuenaga Zuzenbide katedraduna, baina EH Bilduk ezespena aurkeztu zuen haren aurka, eta erakundeak onartu egin zion. Horregatik, ez du parte hartu bozketan.

EH Bildu: "Ebazpenak ez du oinarri juridikorik"

Bestalde, EH Bilduk berretsi egin du Arnaldo Otegi dela bere lehendakarigaia eta bitarteko legal guztiak azkeneraino erabiliko dituela buruzagi independentista irailaren 25eko hauteskunde autonomikoetara aurkez dadin.

Gipuzkoa Hauteskunde Batzordearen erabakian berri izan ostean, koalizioak ohar bidez jakinarazi du helegitea aurkeztuko duela auzitegietan, “EH Bilduren oinarriaren nahia bete eta Otegi lehendakarigaia izan dadin”.

“Gipuzkoako Hauteskunde Batzordearen ebazpenak ez du oinarri juridikorik; izaera politikoa duen erabakia da”, kritikatu dute.

“Gipuzkoako Hauteskunde Batzordeak ez dio auzi honen eduki juridikoari heldu eta Auzitegi Nazionaleko Fiskaltzak aurkeztutako idatzia aintzat hartzera mugatu da”, erantsi du.

EH Bilduren ustez, “demokraziaren kontrako eraso berri baten aurrean gaude; XXI. mendean pertsona guztiei dagozkien eskubide politiko eta sozialak arrazoi politikoen bidez urratzea ulertezina da”.

“Arnaldo Otegi ezgaituta, Estatu espainiarraren helburua Otegiren eta EH Bilduren egitasmo politikoa indargabetzea da”, gaineratu du.

“Herri honentzako proiektu ilusionagarria dugu eta akordio handiak egiteko asmoa daukagu; horri diote beldurra. Hori da indargabetu nahi dutena. Baina EH Bilduk ordezkatzen duen egitasmo politikoa inoiz baino biziago dago”, azpimarratu du koalizioak.

Eskaera EITBri

Horrez gain, “salbuespen egoera honi aurre egiteko” eta hauteskunde kanpainan Arnaldo Otegi nahiz bestelako herritarrik “ez baztertzeko” eskatu dio EH Bilduk EITBko Administrazio Kontseiluari.

Alabaina, proposamenak ez du aurrera egin, EAJ, PSE-EE eta PPko ordezkariek haren kontra bozkatu dutelako, koalizioak jakinarazi duenez.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena