EAE-ko Hauteskundeak 2024 -

APIRILAK 5

Gorrotxategik hiruko gobernuaz hitz egiteko eskatu die Iriarteri eta Mendiari

Gorrotxategik Gasteizen aurkeztu du apirilaren 5eko hauteskundeetarako IUren eta alderdi morearen hautagaitza.

Elkarrekin Podemoseko hautagaiak. Irudia: EFE
Elkarrekin Podemoseko hautagaiak
Elkarrekin Podemosek EH Bildurekin eta PSErekin ezkerreko ituna bilatuko du

1:45

AGENTZIAK | ERREDAKZIOA

Whatsapp Facebook Twitter Telegram Email

Miren Gorrotxategi Elkarrekin Podemos-IU koalizioaren lehendakaritzarako hautagaiak ezkerreko alderdien hiruko gobernuko Jaurlaritza osatzeko proposamenari erantzutea eskatu die Maddalen Iriarte EH Bilduko hautagaiari eta Idoia Mendia PSE-EEko buru eta lehendakarigaiari.

Gorrotxategik Gasteizen aurkeztu du apirilaren 5eko hauteskundeetarako IUren eta alderdi morearen hautagaitza, eta bere alderdiak zuzenduko duen gobernu "aurrerakoi" bat aldarrikatu du EAErako.

Horretarako, "historian lehen aldiz ezkerreko emakume feminista eta ekologista bat gidari" izango duen hiruko gobernu bat sortzeko prest dauden esateko eskatu die EH Bilduko eta PSE-EEko hautagaiei.

Lakuara iristeko bokazioa aldarrikatu du Gorrotxategik, EAEko baliabideak eta gaitasunak euskal herritarren zerbitzura jartzeko.

"Orain hilabete batzuk hauteskunde orokorretara aurkeztu ginen, jendearen bizitza aldatzeko gobernatzeko prest. Askok Podemos Gobernuan sartzea ezinezkoa zela esan zuten", adierazi du. Hala ere, dagoeneko gobernatzen daudela azpimarratu du, eta hilabetean gutxieneko soldata, pentsioak eta funtzionarioen soldatak igo dituztela eta bajan daudenak kaleratzeko aukera indargabetu dutela. Gainera, baimen argirik gabe ezin dela sexu harremanik izan arautu dute.

Horri dagokionez, hautagaiak uko egin dio oposizioa izateari eta mezu bat bidali die ezkerra batzea ezinezkoa dela uste dutenei: "Elkarrekin Podemosera doan boto batek ere ez du eskuineko lehendakaririk babestuko".

Hau zure interesekoa bada, baliteke beste gai hauek ere izatea
Katalunia Politika Bizkaia Gipuzkoa Araba Ameriketako Estatu Batuak Euskal Autonomia Erkidegoa EAEko hauteskundeak Idoia Mendia Hauteskundeak AEB Alderdi politikoak EH Bildu PSE-EE Hautagaiak Eguneko albisteak Albisteak Kataluniako hauteskundeak Podemos Ahal Dugu Euskadi EiTB Focus Maddalen Iriarte Hauteskundeak Hauteskunde inkestak Euskal Autonomia Erkidegoko emaitzak Miren Gorrotxategi