EAE-ko Hauteskundeak 2024 -
U12KO HAUTESKUNDEAK
12 hautesleku berri jarriko dituzte Bilbon uztailaren 12ko hauteskundeetarako
Udalak errolda-txartela arretaz aztertzeko gomendatu du. Etxera bidaltzen dute, herritarrari botoa non eman behar duen jakinarazteko.
EITB.EUS
Bilbok 56 hautesleku eta 359 hauteskunde-mahai izango ditu uztailaren 12an Eusko Legebiltzarrerako hauteskundeetarako. Aurreko hauteskundeetako datuekin alderatuta, mahai kopuru bera izango da, baina 12 hautesleku gehiago, ohikoak baino % 25 gehiago, hain zuzen ere. Hauteskunde-mahaien zozketa gaur egin da.
Helburua espazio gehiago eskaintzea da, Bilbon botoa emateko eskubidea duten 273.007 pertsonak hauteslekuetara jende pilaketarik gabe joan daitezen.
Hauteskunde-mahaiak zabaltzeak Bilboko hautesleen % 16k ohikoa ez den beste hautesleku batean bozkatuko dutela esan nahi du, eta % 43k, berriz, hautesleku berean baina ohikoa ez duten hauteskunde-mahai batean egingo dute. Hori dela eta, Udalak herritarrei errolda-txartela arretaz kontsultatzeko eskatzen die. Txartel hori etxeetara bidaltzen da, oraingo honetan zein hautesleku esleitu zaion jakinarazteko. Gainera, errolda-informazio hori emateko eta bozketa-egunean nahasterik ez izateko, Udalak online tresna berri bat jarri du geobilbao.eus udal-webgunean. Tresna horrek, herritar bakoitzari botoa emateko zein hautesleku dagokion kontsultatzeko aukera ematen du.
Ondorengoak dira hautesleku berriak:
· Ekonomia eta Enpresa Fakultatea – Sarriko. Euskal Herriko Unibertsitatea: 5 mahai, Ibarrekolandako BHItik lekualdatutakoak.
· Deustuko Udaltegia: 6 mahai, Deustuko HLHItik lekualdatutakoak.
· Zurbaran BHI-LJ: 4 mahai, Zurbaran HLHItik lekualdatutakoak.
· Castañosko udaltegia: 2 mahai, Epaltzaren Alarguna HLHItik lekualdatutakoak.
· Auzo Faktory Matiko: 2 mahai, Epaltzaren Alarguna HLHItik lekualdatutakoak.
· Begoñako udaltegia: 5 mahai, Luis Briñas HLHI-BHItik lekualdatutakoak.
· Karmelo Ikastola: 4 mahai, Larreagaburu (Mina del Morro) HLHItik lekualdatutakoak.
· San Frantziskoko udaltegia: 5 mahai, Miribilla HLHItik lekualdatutakoak.
· Abandoko udaltegia: 5 mahai, Cervantes HLHItik lekualdatutakoak.
· SPRI-Eusko Jaurlaritza: 4 mahai, Indautxuko Eskolatik lekualdatutakoak.
· Azkuna Zentroa: 2 mahai, Indautxuko Eskolatik lekualdatutakoak.
· Errekaldeko udaltegia: 6 mahai, Gabriel Aresti HLHItik lekualdatutakoak.
· Basurtuko udaltegia: 6 mahai, Basurtu HLHItik lekualdatutakoak.
· Erruki Etxeko ohiko bi mahaiak Bilboko Ingeniaritza Eskolara pasatu dira.
