EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

00:10

EAE-ko Hauteskundeak 2020

12J

"Oso garrantzitsua izango den aldaketa baten hasiera" dela adierazi du Iriartek

agencias | redacción

"Oso pozik" agertu da, eta azpimarratu du "oso emaitza ona" dela EH Bilduk hauteskunde hauetan lortutakoa, eta, gainera, parte-hartze txikia nabarmendu du.

  • Whatsapp
  • Whatsapp
  • telegram
  • Bidali

Maddalen Iriarte EH Bilduren lehendakarigaia oso pozik agertu da koalizioak lortutako 22 eserlekuekin, eta "Euskal Herrian oso garrantzitsua izango den aldaketaren hasiera" dela azpimarratu du.

EH Bilduk Donostiako Igara auzoan duen egoitzan egin du boto-kontaketaren jarraipena, eta bi pantaila handi eta hauteskunde gauerako catering bat jarri dituzte kanpoaldean.

Maddalen Iriarte lehendakarigaia koalizioko beste buruzagi eta hautagai batzuek babestuta agertu da, besteak beste, Arnaldo Otegi koordinatzaile nagusia, Arkaitz Rodriguez Sortuko idazkari nagusia eta hainbat militante eta jarraitzaile alboan zituela agertu baita hedabideen aurrean.

23:00ak jota zirenean atera dira Iriarte eta Otegi EH Bilduk lortutako emaitza aztertzera. 22 eserleku lortu ditu, aurreko hauteskundeetan baino lau gehiago, eta 247.552 boto, aurreko hauteskunde autonomikoetan baino 23.298 gehiago (% 6 gehiago), eta eskerrak eman dizkiete EH Bildu babestu duten milaka boto-emaileei.

Iriartek, "oso pozik", azpimarratu du "oso emaitza ona" dela EH Bilduk hauteskunde hauetan lortutakoa, eta parte-hartze txikia nabarmendu du. "Gero eta jende gehiago dago EH Bilduk defendatzen dituen baloreetatik gertu", azpimarratu du, eta "aldaketa hasi da", gaineratu du.

EAJ zoriondu ostean, hauteskundeak posible egin dituzten guztiei eskerrak eman dizkie, eta gogoratu du COVID-19aren "salbuespenezko unea" dela, "milaka hildakorekin eta agerraldi berriekin".

Ildo horretan, "elkartasuna" agertu die koronabirusak gaixotu eta hil dituen pertsonei. "Herri hau eraiki behar dugu, altxatu, eta EH Bilduk eskua luzatzen du hori egiteko eta herri hau lehenbailehen altxatu eta berreraiki ahal izateko", adierazi du. Iriartek nabarmendu du "Euskal Herrian oso garrantzitsua izango den aldaketa baten hasiera" dela.

Gainera, COVID-19arengatik konfinatuta egoteagatik botoa eman ezin izan dutenak, gaixo egon direnak edo gaixotasun horren ondorioz hil direnak gogoratu ditu, eta baita osasun alorretik, funtsezko zerbitzuetatik eta abarretatik gaitzari aurre egin diotenak ere. "Lan egingo dugu, lan serioa egingo dugu, eskua luzatzen diegu guztiei herri hau berreraikitzeko", adierazi du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena