EAJk eta PSEk astelehenean hasiko dute koalizio-gobernua osatzeko negoziazioa

Bi alderdietako ordezkaritzak Sabin Etxean bilduko dira astelehen eguerdian, pandemiari eta krisi ekonomikoari aurre egiteko "Gobernu sendoa" osatzeko asmoz.

EAJko zuzendaritzaren bilera. Artxiboko argazkia: EFE

AGENTZIAK | ERREDAKZIOA

publikatuta: 2020/07/15 19:17 (UTC+2)

azken eguneratzea: 2020/07/15 19:31 (UTC+2)

EAJk eta PSE-EEk datorren astelehenean abiatuko dute koalizio-gobernua osatzeko negoziazioa, bi alderdiek ohar batean jakinarazi dutenez.

Lehendabiziko bilera EAJren Bilboko egoitza nagusian, Sabin Etxean, egingo dute, 12:00etan. Oraingoz ez dute jakinarazi nortzuk egongo diren negoziazio mahaian.

EAJk eta PSE-EEk agirian esan dutenez, "koronabirusaren pandemiari eta krisi ekonomikoari aurre egiteko Gobernu sendoa osatzeko" aukera aztertzea da batzarraren helburua.

Bi alderdietako ordezkariek hasieratik utzi dute argi koalizio-gobernuari eustea dela lehentasuna, joan den legegintzaldian "ondo" funtzionatu zutela iritzita.

Aurrekoan ez bezala, agintaldi berrian EAJk eta PSE-EEk gehiengo absolutua izango dute Legebiltzarrean, 41 eserleku batzen baitituzte.

Hau zure interesekoa bada, baliteke beste gai hauek ere izatea

Politika EAJ-PNV Bizkaia Gipuzkoa Araba Eusko Jaurlaritza Eusko Legebiltzarra Euskal Autonomia Erkidegoa EAEko hauteskundeak Alderdi politikoak PSE-EE Hautagaiak Eguneko albisteak Albisteak EiTB Focus Hauteskundeak Hauteskunde inkestak Euskal Autonomia Erkidegoko emaitzak

EAJk eta PSEk astelehenean hasiko dute koalizio-gobernua osatzeko negoziazioa

Esteka kopiatuta