Basagoiti: 'Independentzia arrisku-saria bezalakoa da'

Antonio Basagoiti EAEko PPko presidenteak independentzia "ekonomia ezegonkortzen duen arrisku-saria" bezalakoa dela esan du, eta "PPk EAEko hauteskundeetan zenbat eta boto gehiago lortu, orduan eta aukera gutxiago izango ditu independentziak", gaineratu du.

Lapuebla de Labarcan (Araba) egiten ari diren mahats bilketaren festan, PPko buruzagiak komunikabideekin hitz egin du. Hilketak egin zituzten independentzia hura lortzeagatik ETA osoa bat eginda dago, eta nazionalismoak ere horrekin bat egiten du. Horregatik, "ETAk eta nazionalistek nahi duten independentzia lortzea ekiditeko" PPren batasunerako deia egin du.

Halaber, "PPk ETAren kontra izandako irmotasunaren inguruan zalantzak edukitzea" ez dela justua adierazi du, eta alderdiak terrorismoaren amaiera defendatzeko asko sufritu duela eta "bizitza asko galdu dituela" ekarri du gogora.